مسرحية /باى -باى يا فيلسوف تأليف / محمود عبدالله محمد

باى00 باى فيلسوف مسرحــيـــــة تــأليـــف محمود عبد الله محمد عن مسرحية //الزوجة والشيطان تأليف /توفيق الحكيم --1- الشـخـصـيــات 1- الزوجة زوجة الفيلسوف 2-الشيطان صاحب أسرة من الشياطين 3-المزيع مذيع بالتليفزيون شاب 25 سنة 4-الفيلسوف رجل فى سن الخمسين - 2افتتاحيــة المسرح قسمين 00اظلام جهه اليمين 00اضائة خافتة جهه اليسار 00أسرة من الشياطين تسكن الجانب الايسر 00(صالة المنزل) الزوجة (تدخل من أقصى المسرح 00تمر ببطئى من بين الشياطين) لما نشوف الفلفوس حيقول ايه فى التليفزيون ؟(تجلس الزوجة وتجعل وجهها ناحية اليمين 00تمسك المحمول وتضغط عليه فلا يفتح التليفزيون 00تظل كذلك حتى تكتشف أنه المحمول وليس الريموت ) (بعصبية )يووه 00دا المحمول (تلتقط الريموت وتضغط عليه 0فيضاء الجانب الأيمن 00يدخل المزيع بأناقته مع تحية كبيرة من جمهوره 00يرد التحية ويجلس على المقعد المخصص له ) المزيع سؤال بسؤال والكل فى انتظار الجواب 00سؤال فى سؤال والكل خايف من الجواب 00هى دى الحرب ؟ قالوا لأ 00دى اللعبة طب ليه اللعب يكون بالشكل ده ؟ قالوا عشان الهيمنة والسيطرة وتبتدى اللعبة أى لعبة فيها غالب ومغلوب إلا اللعبة دى 00فيها مغلوب ومغلوب 00وتشتد اللعبة ناس بتضحك وناس بتموت ناس بتهرب وناس ملتزمة السكوت 0الظالم مغرور بقوته لكن المظلوم مش ساكت 00بيدافع بكل اللى يملكه 00نزرع الصبار ولا نستفيد منه 00نشعل النار ونجرى من قدامها نهدم الدور على صحابها يخنقنا ترابها 00تيجى الهدنه 0ويظهر للعبة شجعان وشطار أنا انتصرت 00لأ أنا اللى انتصرت 00الكل يحتفل الكل يشرب نخب الانتصار يختلط الحابل بالنابل الغلبان مع الجبار الفاهم وياال00وده ذنبه إيه ؟ ما علينا 00المهم إن الأمل عمره ما نسينا من بين الدمار بيطلع الموال ويبقى السؤال 00والسؤال هذه المرة سيداتى سادتى 00للفيلسوف الكبير (الزوجة على المقعد تغط فى النوم 00بينما يدخل الفيلسوف مع تحية كبيرة من الجمهور 00ينهض المزيع ليستقبله ثم يطلب من الجمهور تحية ثانية له 00فيحيه الجمهور 00يجلس الفيلسوف على المقعد المقابل للمزيع ويستعد للسؤال ) المزيع سيدى الفيلسوف 00أنت فى برنامج سؤال 00والسؤال هو 00هل الحرب العالمية الثالثة أوشكت بالفعل على البدء 00وأنها ستكون نهاية العالم كما يقول المحللين والكتاب ؟ (السؤال يلفت نظر الشياطين فيلتفون حول الزوجة منتظرين الرد ) الفيلسوف المحللون والكتاب يقولون ما يريدون 00أما أنا فعندى رأى مخالف 00(يظهر على المزيع والشياطين حالة من التفاؤل ) المذيع رأى مخالف ؟ قصدك إن مش هيبقى فيه حرب والعالم مش حيفنى ؟ الفيلسوف من الغبى الذى قال ذلك ؟ المزيع انت يا سيدى (تبدو حالة من الغضب على وجه الفيلسوف) آسف يا فيلسوف 00خرجت غصب عنى الفيلسوف (يزفر) ألا تدرى بأن الحرب العالمية الثالثة قد بدأت بالفعل ؟ المزيع ( مندهشا ) نعم 00بدأت ؟؟ الفيلسوف ولن تنتهى إلا بفناء العالم (خوف وهلع على وجه الشياطين والمذيع) الزوجة (تستيقظ) وصل الفلفوس الموكوس (تدقق النظر )الله مذيع زى العسل المذيع ومتى بدأت يا سيدى ؟ ولماذا لم يخبرنى الم(عد أو المصور أو المخرج؟(يشير تجاه الجمهور ) يا ساده 00لماذا لم تخبرونى بأن الحرب العالمية الثالثة قد بدأت قبل أن أطلع على الهوا (يضع يده على أذنه )نعم 00لا أحد منكم يعلم 0فيلسوف جبت كلامك منين الزوجة (حزينة من أجل المزيع)غبن الجدع روح منك لله -4- الفيلسوف (بغرور ) من راسى 00مما يحدث فى العراق وفلسطين والشيشان وأفغانستان منذ أن تركنا إسرائيل تعربد فى المنطقة وسقوط الاتحاد وسيطرة أمريكا على العالم الزوجة كلمنجى ومغرور طول عمرك المزيع يا سيدى الفيلسوف أراك تبالغ 00هناك دول كثيرة لم تشارك فى الحرب فكيف تكون إذن حرب عالمية ؟ (الشياطين وقد لاقت استحسان لسؤال المزيع 00بينما تعود الزوجة للنوم ) الفيلسوف الحرب الآن فى مرحلة جس النبض لاتتعجل سيشارك الجميع عندما يشتد الصراع وستكون الكلمة الأخيرة للنووى والزرى (الشياطين تولول خائفة) المزيع وهل بالفعل يا سيدى 00يستطيع السلاح النووى والزرى فناء العالم أم أن هذا من قبيل إرهاب أمريكا لنا وللعالم ؟(الشياطين تستمع للإجابة باهتمام وتستيقظ الزوجة ) الفيلسوف هذا ما قرأناه وتعلمناه من خبراء السلاح 0المهم أن الحرب العالمية الثالثة بدأت كما اتفقنا الزوجة افتى يا مفتى 00 المزيع لكننى لم أتفق معك لأننى ببساطه لم أقتنع يا فيلسوف الفيلسوف (بغضب) وماذا أفعل لك؟ هناك كثيرون مثلك لا يشعرون بما يدور حولهم المزيع الله 000فيلسوف الفيلسوف (بنفاد صبر )آسف الزوجة موكوس 00منبوز (الشياطين تزداد خوفا وهلعا 00بينما يتحدث المزيع الى نفسه ) المزيع يا فرحة ما تمت وأنا اللى عملت المستحيل عشان أشتغل مزيع لامع ربنا يولع فيكى يا أمريكا الفيلسوف (لنفسه) ويولع فيكى يا مراتى المزيع ماذا قلت يا سيدى ؟ الفيلسوف لم أقل شيئا 00أنت الذى تقول أيها المزيع اللامع المزيع أنا لم أقل شيئا سوى أننى قد اقتنعت بأن الحرب العالمية قد بدأت الفيلسوف برافو 00انت فعلا ستكون مذيع لامع المذيع (لنفسه )لامع إيه بقى 00ياخسارة البدل اللى اشتريتها من فرنسا الفيلسوف (لنفسه) ليتك تعطنى واحدة منها كم أنا مشتاق لبذلة من فرنسا الزوجة عينه حتطلع على البدلة المزيع تقول شيئا يا سيدى ؟ الفيلسوف أقول إن فرنسا تركت لأمريكا ميدان الحرب 00 وراحت تهتم بصناعة الأزياء والعطور وخصوصا البدل الشيك المزيع أنت مشتاق يا سيدى الفيلسوف الفيلسوف مشتاق لماذا؟ البدل عندى كثيرة والحمد لله المزيع أقصد مشتاق لوقف الحرب 00ألا يوجد حل لذلك يا سيدى الفيلسوف ؟ الفيلسوف نفكر معا فى حل المذيع نفكر ؟ لكننى ليس لدى وقت للتفكير أرجوك فكر لى يا فيلسوف (يوجه حديثه إلى الجمهور )والى أن يفكر فيلسوفنا الكبير أيها السيدات والسادة لكم منى ومن أسرة البرنامج 0خالص حبى وأرق تحياتى 000مزيعكم اللامع سناء صفاء الزوجة يا حلاوة اسمك المزيع والآن يا سيدى الفيلسوف قد جاء دورك لتنهى لنا البرنامج بمقولتنا المعتادة 000 اتفضل الفيلسوف برنامج سؤال 00مش هيخليك تعرف تغمض عنيك (يحدث تحية كبيرة من جمهور البرنامج بينما تقف الشياطين حزينة خائفة بينهم كبيرهم يفكر للحظات فى هذه الأمور )) الشيطان بقولكم إيه سيبونى أنا أتصرف وأوعدكم انى هلاقى الحل سـتـــار المشهد الأول (وسط إضاءة خافتة جدا 00يدخل الفيلسوف على أطراف أصابعه 00ويجلس على مكتبه يبحث عن زر المصباح 00 فتسقط فضاضة السجائر وتحدث صوتا فيفزع 00يلتقط النفاضة ويضعها فوق المكتب 00يضغط على الزر فتضاء الغرفة كتب ومجلدات مكدسة فوق المكتب ) الفيلسوف الهي تنامى ما تقومى يامراتى لحد ما شبع قراية (يفتح كتاب ويقلب صفحاته 00 يدخل شخص بثوب أحمر وقرنان صغيران وأنف طويل مدبب 00 من قلب الجدار يقف من الفيلسوف المنهك مع الكتاب 00يقترب أكثر فيراه الفيلسوف بطرف عينيه ) الفيلسوف (خائفا )مين؟شيطان؟ الشيطان مظبوط 00أنا بعينه 00وبالصورة اللى تعرفوها عننا يا أهل البشر أرجوك متخفش منى الفيلسوف عندك 00خليك بعيد 00انت قلت ما اخفشى ؟ الشيطان نعم 00 أنا مش جاى عشان أأزيك الفيلسوف بجد طب هى الشياطين ليها صورة تانية ؟ الشيطان طبعا يا فيلسوف00دى صورة للبشر مخصوص 00لكن أنا فى الحقيقة غير كده خالص 00ممكن بقى تسمعنى (يقترب الشيطان منه فيهرول عند الباب) الفيلسوف أقف عندك 00كلمنى وانت بعيد الشيطان أمرك (يبتعد الشيطان بعض الشئ فيعود الفيلسوف إلى منتصف الغرفة ) الفيلسوف أيوه 00قول بقى بس اوعى تقول انك جاى تنصحنى أشرب خمره عشان أنسى همومى الشيطان إطلاقا 00دا أنا جاى أطلب مساعدتك (يقترب الشيطان منه فيهرول الفيلسوف نحو الباب ثانية ) الفيلسوف شفت 00أديك قربت تانى !!!! الشيطان ما قلتلك ما تخفش الفيلسوف (كالباكى ) ما خفش !! أعوذ بالله الشيطان (بغضب )فيلسوف 00وبعدين الفيلسوف انت زعلت عشان بستعبذ بالله منك ؟ أمال أعمل إيه ؟ الشيطان تطمنلى 00المهم الفيلسوف المهم إيه ؟ وجاى ليه ؟ الشيطان جاى (يقترب فيتذكر –) آه آه 00نسيت جاى طالب مساعدتك الفيلسوف مساعدتى أنا 00 د أنا نفسى أولع فيك الشيطان (بغضب )الله أما طولك يا 00ايه ؟ إيه اللى عندكوا مش طويل ونفسكم تطولوه ؟ الفيلسوف حاجات كتير العمر مثلا لكن فى دى بالذات الروح 00اسمها الله أما طولك ياروح الشيطان نفسكم العمر يطول ؟ إحنا كمان نفسنا إن عمرنا يطول 00يبقى مفيش داعى نأزى بعض الفيلسوف لكن أنا مش مطمنلك 00ولازم أستعيذ بالله منك كل شوية الشيطان يبقى هنختلف 00وأنا جيلك فى أمر كله خير الفيلسوف خير وانت بييجى من وراك خير ؟ الشيطان انت فعلا عندك حق تستغرب 00لكن صدقنى هو فى الحقيقة مش خير للبشر بس خير لينا احنا كمان 00والا ما كنتش جيت الفيلسوف كلام زى مايكون (يقترب الفيلسوف) وايه هو الخير اللى ينفع البشر وفى نفس الوقت ينفع الشياطين ؟؟ الشيطان فكر كده الفيلسوف غلب حمارى الشيطان (مندهشا) بسرعة كده 00مش تفكر الأول ؟ الفيلسوف بصراحة أنا عايز أنتهى من الموقف الهباب ده الشيطان (مؤنبا )آخر حاجة كنت أنتظرها منك يافيلسوف 00دا أنا ضيفك الفيلسوف خلاص 00حقك علىّ 00قول بقى وخلصنى الشيطان أخلصك 00 هو انت على زمتى ( يضحك) اضحك يا فيلسوف عشان تنسى همومك 00وتعرف تفكر لى الفيلسوف حاضر بس خليك بعيد عشان أعرف أفكر الشيطان برضه مش عايز تطمنلى 00حاضر يا فيلسوف حبعد يعيد ((يجلس الفيلسوف على مقعده 00يضع رأسه بين كفيه ) الفيلسوف أدينى بفكر أهه الشيطان استنى لما أقولك حتفكرلى فى إيه 00عشان تفكر بعمق 00 بإخلاص مش ضحك على الدقون الفيلسوف انت اللى بتكلمنى عن الإخلاص يا شيطان ؟ ! الشيطان صحيح احنا شياطين لكن عندنا إخلاص الفيلسوف (بتهكم) طب اسكت عشان انت بتزعل لما يستعيذ بالله منك الشيطان لأبقى 0احنا فعلا عندنا إخلاص فى عملنا 00وعشان كده بننتج وبننجح بص حواليك 00شوف كم الأغانى الهابطه وكليبات العرى وسينما الإسفاف واللصوص والمرتشين والسكارى والمدمنين و000 الفيلسوف طب بس 00بس انت انفتحت الشيطان كل ده من إنتاجنا الفيلسوف انت تقصد الإخلاص فى أذيتنا نحن البشر 00أعترف وأبصم بالعشرة وأوعدك حفكر بإخلاص ((يعود الفيلسوف ويضع رأسه بين كفيه) الفيلسوف وجدتها 0وجدتها الشيطان (مندهشا) وجدت إيه 00انت لسه ما عرفتش أنا عايزك تفكر فى إيه هو ده الإخلاص ؟!! الفيلسوف هو انت ما قلتليش أفكر إيه ؟! معهلش 00أصل أنا مرتبك 00وجودك معايا فى اوضة لوحدنا مش بالساهل 00 الشيطان مش مسألة ارتباك انتوا اللى دايما مستعجلين يا بني البشر 00تفكروا قبل ما تعرفوا 00 الفيلسوف (لنفسه)الله يخرب الخرابة اللى بتعيش فيها يا شيطان 00طلعت البشر أذبل منك (للشيطان )بالعكس بقى البشر أحسن من الشياطين كل الحكاية اننى غلبت عندي العادة نحن معشر الفلاسفة 00نفكر طويلا حتى ينتهي تفكيرنا إلى سؤال الشيطان ضيعت وقتي يا فيلسوف 00 أرجوك ركز معايا الفيلسوف خلاص خلاص 00ايه هو الشئى اللى عايزنى أفكر لك فيه ؟ الشيطان الحرب الفيلسوف (مندهشا ) ليه يا شيطان 00انت عايز حرب أكتر من كده ؟دا العالم خلاص حينتهى 00لو الحرب زادت عن كده شوية (ينهض ويبتعد عن مكتبه ) الشيطان (وقد بدا حزينا ) أنا مش عايز حرب الفيلسوف (مندهشا )مش عايز حرب ؟ أمال عايز إيه ؟ مصاصة !! هو حد شعللها غيرك ؟ الشيطان دا زمان 00لما كانت الحرب على الضيق كنت أنا اللى كنت ببقي وراها 00لكن دى الوقت أنا برئى الفيلسوف نعم ؟ بقولك إيه 00ما تلعبش براسى 0 الشيطان أصلك مش واخد بالك يا فيلسوف 00الحرب دلوقتى 00وبالأسلحة المتقدمة دى 00يعنى نهاية العالم 00ونهاية العالم يعنى قيام الساعة ووجودي زى ما انت عارف 00مؤجل ليوم القيامة (يتقدم الفيلسوف نحو الشيطان عدد من الخطوات ) الفيلسوف أنا مش مصدق لكن انت ايش عرفك إن الحرب الجاية حتقضى على العالم 00 انت دخلت فى علم ربنا ؟ الشيطان انت اللى قلت كده في التليفزيون 00ولسة قايل من شوية الفيلسوف (وهو يضحك) الله أما انك طلعت شيطان خيخة صحيح الشيطان (غاضبا)فيلسوف 00مسمحلكش الفيلسوف أصلك مش واخد بالك 00احنا بنقول كده عشان نخوف البشر 0 ونخوف العالم اللى غاوى حرب 0والغريبة إن محدش بيخاف 0 تقوم الشياطين هي اللى تخاف !! شوف يا شيطان 0الساعة لا يعلمها إلا الله الشيطان لكن ما تقدرش تنكر إن فيه أسلحة دمار شامل موجودة في ايد بنى البشر 0صح ولا لأ الفيلسوف ما انكرش طبعا الشيطان خلاص 00يبقى لازم أعمل حسابى ووقف أى حرب ربنا يولع فيك يا بوش أسلحة نووية وزريه وبيولوجية وهباب عالي أنا لازم أخد حذري من دلوقتى مش حستنى لما الفأس تقع فى الرأس أرجوك يا فيلسوف تفكر لى الفيلسوف بس انت محتاج تقابل حكام وسياسيين وقادة جيوش 00أنا مقدرش أعملك حاجة الشيطان دول هما أس البلا 00انما انت مفكر فيلسوف والفلاسفة رجال سلام أنا سمعتك وأنت بتتكلم فى التليفزيون 00وبتطلب من الفلاسفة والمفكرين بالبحث عن حل أنا عجبنى كلامك وعشان كده أنا جيتلك الفيلسوف (بفخر واعتزاز ) انت صح والله انت صح وأنا مش حخزلك الشيطان وأنا حجبلك بدله أحسن من اللى كان لابسها المزيع 00بس ياريت تقدر توقف الحرب الفيلسوف (بسعادة ) بدله كمان وأنا أقدر وأقدر أمال إيه 00أنا عندى خبرة كبيرة قوى فى الحرب 00مش متجوز الشيطان وايه دخل الجواز الفيلسوف أمال أنا فيلسوف ازاى (يقترب منه تماما ) ما تركز معايا شويه يا شوشو الشيطان شوشو ؟ أشكرك لكن برضه ما قلتليش إيه دخل الجواز ؟ الفيلسوف أقولك 00الواحد مننا بعيد عن السامعين بعد ما يقضى عشر سنين جواز فيما فوق طبعا بيتقلب تلقائيا إلى فيلسوف ومن غير ما يتعلم حرف واحد فى الفلسفة (يأتيهما صوت الزوجة قويا ) ص الزوجة يا فلفوس 00انت يا بتاع الفلسفة الفيلسوف (بلهجة بكائية ) مراتى 00قلتلها مليون مرة انى فيلسوف مش فلفوس لكن هى بقى الله يسامحها 00على قد علامها الشيطان (مندهشا )فلفوس ؟ الفيلسوف دا أحيانا بتقولى يا فلحوس 00لكن رغم كده طيبة وساعات بتدلعنى ص الزوجة انت يا فلفوس الغبرة الفيلسوف سامع الدلع 00أيوه يا ولية جاى أهه 00عن إذنك ياشوشو أشوفها عايزة إيه وارجعلك على طول (يتجه إلى الباب ثم يتوقف ويستدير للشيطان ) ما هو من شوشو لمراتى يا قلبى لا تحزن ستـــار -14- المشهد الثانى صالة الشقة (الزوجة متحفزة لقتال الفيلسوف 00بينما هو خائفا يحاول أن يجعل بينه وبينها دائما مسافة متر على الأقل ) الزوجة هو مش كفاية قراية وكتابة طول النهار 00ولا نور الكهربا ده مش بفلوس بدفعها كل شهر من مصروف البيت ؟ الفيلسوف هو أنا لحقت ؟ د أنا يا دوب لسه داخل وما كنتش هقرا الزوجة طب يللا هات الفيلسوف أجيب إيه ؟ الزوجة فلوس الفيلسوف تانى 00هاتعملى بيها إيه ؟ الزوجة (بغضب ) الله أما طولك ياروح الشيطان (يدخل من الجدار ) هى بتزعقلك كده ليه ؟ الفيلسوف انت حضرت يا شيطان ؟ الزوجة ما تظلمش الشيطان 00هى الفلوس اللى أنا بخدها دى لنفسى؟ الشيطان (فرحا )أول مرة حد من البشر ينصفنى 00بتقولك ما تظلمنيش يا ظالم اديها بقى اللى هى عايزاه الفيلسوف فرحان قوى ؟ الزوجة هو مين اللى فرحان ؟ الفيلسوف الشيطان اللى بتدافعى عنه 00وبتقولى إن أنا بظلمه الزوجة الشيطان ؟أعوذ بالله منك ومنه الشيطان دى لبخت تانى 00اديها على دماغها بقى الفيلسوف شوشو !!! وبعدين الشيطان خلاص انت حر 00على فكرة انت بس اللى شايفنى الزوجة (ساخرة) شوشو 00يا حلاوة يا ولآد 00فلفستى بيد لعنى عاير ياكل بعقلى حلاوة 00طلع ياراجل الفلوس الشيطان الحق دى فاكره انك بتدلعها يا عم اديها على دماغها الفيلسوف شكلك مش هتجيبها البر الشيطان فهمتني غلط أنا مش بوسوس 00 أنا بس متغاظ من كلامها معاك الفيلسوف طب اطلع انت منها وهى تعمر أنا بعرف أعالج أموري معاها الزوجة (وقد بدت مندهشة ) انت بتكلم نفسك ؟ أنا مش مرتحالك الليلادى الفيلسوف (مرتبكا ) هه؟ الشيطان يالله بقى وريني حتعالج أمورك معاها ازاى الزوجة جرالك إيه يا راجل 000 ماتتكلم الفيلسوف أيوه بكلم نفسى 0ممكن بقى تقو ليلى طلباتك إيه ؟ الزوجة ما قلتلك على اللى أنا عايزاه الفيلسوف قلتي عايزة فلوس 00 لكن ما قلتيش ليه ؟ الزوجة (بتحدى ) عايزاها وخلاص خلص عشان اللى عايزاه هاخده الفيلسوف بالقوة الزوجة انت ما ينفعش معاك غير كده الفيلسوف (خائفا )كده برضه يا حبيبتى !! الزوجة آه منك آه 000سهن وساهى الفيلسوف بالعكس 00دأنا بحبك خالص 00أنا عمري أخرتلك طلب ؟ الشيطان شد عليها 00بلاش النحنحة دى الفيلسوف (هامسا ) متخفش علىّ 00النحنحه دى اللى بتكسر سمها الزوجة طب ما تجيب الفيلسوف حاضر 00بس مش دى الوقت الزوجة لأ دلوقتى 00انت مش حتفرض رأيك عليا الفيلسوف وفيها إيه 00انتى مش مراتى حبيبتي الزوجة رأيك تحطه فى كتبك 00لكن البيت تحط فيه فلوس وبس الشيطان (يضحك ) قلتلك اديها على دماغها ( يضحك ) الفيلسوف ( للشيطان ) بتضحك على ّ؟ الزوجة هو مين اللى بيضحك عليك ؟ انت مش طبيعى الليلة هات الفلوس الشيطان (ما زال يضحك ) يا فيلسوف اشكمها الفيلسوف حتضيعنى الله يضيعك بس الظاهر إن عندك حق (للزوجة بحدة) -17- بقولك إيه أنا دلوقتى ممعييش 00أجيبلك منين ؟ الزوجة معاك الفلوس يا فلحوس الفيلسوف منين 00بعد ما خطفتي المحفظة زى الخطافة وعورتينى بضوافرك الطويلة والآخر رحتى اشتريت محمول وشرابات وياريتك اشتريت لى قميص معاكى بدل قمصاني المهربدة شفتى كان شكلي عره ازاى فى التليفزيون وأنا قاعد مع المزيع الشيك الشيطان أيوه كده اديها 00 الزوجة ما تفكرنيش 00دا الواد كان زى البسكوته الفيلسوف د عشان بس مش متجوز 00ومهتم بنفسه الزوجة ( فرحة ) صحيح مش متجوز الفيلسوف لأ 00ويبقى أهبل لو عملها الزوجة و لا مرتبط ؟ الفيلسوف إيه يا وليه جرالك إيه انتى اتخبطى فى نفوخك ولا حاجه الزوجة ( تصرخ) إيه ؟ (بلين) بضحك وياك 00مالك خدتها جد كده يا ساتر 00دانت كشرى ونكدى الفيلسوف لأ اسم الله عليكى انت 00فرفوشة ونعنوشة مش فاكر مرة واحدة شفتك فيها بتضحكى !!! الزوجة ( بحدة) اخرس 00انت حتاخد وتدي معايا ولا إيه؟ يالله هات الفلوس الشيطان انت كنت فى وعيك لما كنت بتتجوز با فيلسوف ؟ الفيلسوف اسكت 00كفاية علىّ تأنيب ضميري -18- الزوجة رجعت تكلم نفسك !!( يسمع صوت موسيقى) الفيلسوف إيه ده 000الراديو بيشتغل لواحدة ؟ الزوجة دا المحمول بتاعى يا غشيم (تضع المحمول على أذنها ) الفيلسوف ( لنفسه) الله يرحم أبوكى الزوجة ايوه يا أم على 00طبعا ها فوت عليكى وأنا رايحة السوق بس ها يبقى متأخر شوية 00على ما فلفوستى حبيبتي تصحي من نومها وأفطرها 00حاضر ها سلملك عليه مع السلامة الفيلسوف فلفوستك حبيبتك مين ؟ الزوجة انت يا بجم الفيلسوف أنا حبيبتك ؟ الزوجة (بغيظ) أمال عايزنى أقولها إيه 0دا كلام كده وكده ما هى كمان محسسانى إن هى وجوزها سمنة على عسل أنا فاهمه نسوان الشارع الفيلسوف أنا عايز أعيط (يلقى بنفسه على صدر الشيطان ) الشيطان معهلش يا فيلسوف 00غلطتك ولازم تتحمل الزوجة (تجذبه من كتفه )ما تدنيش ضهرك كده تانى لما أكون بكلمك الفيلسوف (مفزوعا )إيه ده أنا كنت نايم على صدرك كده ؟ الشيطان انت اللى نمت 00أقولك لأ الفيلسوف طيب مش ها يحصلى حاجة ؟ أنا خايف أتعفرت ولا يحصلى حاجة الشيطان لأ ما تخفش الفيلسوف وها خاف من إيه ؟ ياريت يحصل عشان أعرف أخد حقى منها الزوجة كل تكلم نفسك 00اسمع تعمل مجنون تعمل عجين الفلاحة أنا ما بخفش الشيطان يا مه أنا خفت الفيلسوف بس أنا ما بكلمش نفسى بقى 00أنا بكلم حد الزوجة حد 00هو فين ده ؟واز اى انت شايفه وأنا مش شيفاه ؟ الفيلسوف (باستفزاز )ما هو ده الفرق اللى بينى وبينك 00أنا أشوف اللى انت ما تقد ريش تشوفيه الزوجة فلفسه كدابة 00تقدر تضحك بيها على الناس بره 00لكن مش أنا اللى ينضحك عليها 00وبعد كده تكلمنى با لعقل الشيطان عقل إيه هى دى عندها عقل ؟!! الفيلسوف وهو فين عقلك ده ؟ الزوجة اسمع 00بتلف وتدور 0عايز تعرفنى إن تفكيرك أعلى من تفكيرى وانك بتشوف اللى أنا ما بشوفش لكن أنا زيك وأحسن منك الفيلسوف (باستهانة )انتى ؟ الزوجة أيوة أنا 00وشايفة اللى انت شايفه كمان (الفيلسوف ينظر إلى الشيطان باندهاش وخوف ) الفيلسوف شايفه إيه ياحبيبتى ؟ الزوجة الشيطان 00هيكون مين يعنى ؟ الشيطان (للفيلسوف ) لا تشفنى 0لا00 لكن ممكن تكون شمت ريحتى الفيلسوف اف الله يقرفك 00وأنا بقول الريحه دى جايه منين ؟ الزوجة مش انت لوحدك اللى فلفوس أنا كمان فلفوسة أكتر منك 0 الفيلسوف (بسخرية ) ازاى الزوجة مش بيقولوا إن ما اجتمع رجل وامرأة إلا وكان الشيطان ثالثهما ؟ يبقى موجود هنا شيطان إيه رأيك بقى فى الفلفسة بتاعتى ؟ الشيطان (للفيلسوف ) ظلم حضرتك عارف أنا هنا ليه ؟ الفيلسوف (ساخرا ) أيوه أنا عارف انك مظلوم يا شوشو 00يا ولية يا مجنونة شيطان إيه دا إحنا متجوزين على سنة الله ورسوله الزوجة بس تقول إيه الشيطان قل بأصله معانا وهو عارف الشيطان الولية دى هاتفضل تظلم فيا كده ؟ الزوجة انت تعرف انه بيزن عليا وعايزنى أعمل يعنى 00 الفيلسوف (وهو ينظر للشيطان) عايزك تعملى إيه ؟؟ الزوجة عايزنى أدخل المطبخ أجيب الساطور وأقطعك وأحطك فى أكياس الفيلسوف شوشو 00ساطور وأكياس ؟ الزوجة بلا شوشو بلا زفت 00أنا ما أحبش حد يدلعنى الشيطان يا فيلسوف ما تظلمنيش انت تصدق انى أوسوس لها بالشكل ده ؟؟؟؟؟ الفيلسوف يكون فيه هنا شيطان تانى غيرك ؟؟ الشيطان إحنا ما بنتعداش على بعض فى الشغل 0 الزوجة شوف يا فلفوستى تكلم نفسك أو حتى تعمل عجين الفلاحة أنا حاخد الفلوس اللى عايزاها وإلا حعملها وأعبيك فى أكياس قلت إيه ؟ الفيلسوف حاضر حديكى اللى انت عايزاه بس بلاش الأكياس والنبى ولا أقولك خشى خدى بنفسك اللى انت عايزاه هو أنا أقدر أزعلك ياحبيبتى الشيطان اخص الله يكسفك فيلسوف دون الفلاسفة الزوجة ماشى بس إياك تأخر لى طلب بعد كده 00انت فاهم ؟؟ الفيلسوف ( مرتبكا ) حاضر 00هو أنا أقدر الزوجة عالم تخاف ما 000 الشيطان انت فيلسوف انت ؟؟ الفيلسوف اسكت يا زفت كنت ها تودينى فى داهية 00بس بقولك إيه ياريت ما تخديش الفلوس كلها 00سيبيلى قرشين الزوجة اخرس خالص مش عايزة أسمع صوتك الفيلسوف حاضر خديهم كلهم الزوجة أيوة كده اتعدل بلاش فلفسة كدابة انت هاتعملى فلحوس على الفاضى (تخرج بينما يقف الفيلسوف حزينا ) الشيطان انت صعبان عليا يا فيلسوف الفيلسوف إيه رأيك يا شوشو أعمل مع الست دى ؟؟ (الشيطان يضحك )تقدر تقولي إيه اللى بيضحكك دى الوقت ؟ الشيطان يا فيلسوف بتسألنى عن رأى فى زوجتك وأنا اللى جيت ألتمس منك الرأي والمشورة بقى هى دى دماغك اللى هاتفكر فى الحرب ضيعت وقتى يا فيلسوف على الفاضى الفيلسوف بس أنا فكرت بالفعل وعندى رأى الشيطان طيب ما تقول 000 الفيلسوف مش لما تقول انت الأول الشيطان قوى 00قوى دى حاجة سهلة اقتلها 00اتغدى بيها قبل ما تتعشى بيك ولا عندك رأى تانى الفيلسوف (مأخوذا) هو ده الحل ؟ كان متوقع الشيطان إيه 00مش عجبك ولا ما تقدرش عليه ؟ الفيلسوف لا عجبنى 00وأقدر عليه أخليها نايمه وأعملها الشيطان صح يا عم دا انت أستاذ 00قول بقى رأيك فى الحرب الفيلسوف شوف يا شوشو انت تروح لبوش توسوس له تعرفه بأن هو أول واحد حينكوى بنار الحرب حتى وان كانت نيران صديقه ده فى الدنيا بس لكن فى الآخرة ما انت عارف هيكون فين الشيطان ربنا يولع فيك يا بوش ويولع فيكى يا أمريكا الزوجة يا فلفوس 00مش لاقيه الفلوس 00عاينها فين يا منحوس الفيلسوف فى الكتاب الكبير اللى على المكتب الزوجة آه منك 00حاطتها فى الكتاب وأنا بلف عليها الشيطان تعرف يا فيلسوف إن أنا شاكك فيك انت عمرك ما كنت فيلسوف الفيلسوف طيب ليه الغلط ؟؟ الشيطان لان لو انت فيلسوف 00كنت عرفت إن بوش واحد مننا الفيلسوف (مندهشا )واحد منكم 00شيطان يعنى ؟؟ الشيطان وتمرد علينا عايز ينتحر لكن ازاى؟ قال أفنى العالم 0والحرب هى سلاحه باى باى يا فيلسوف 0قصدى يا فلفوس 00يا فلحوس (أثناء خروج الشيطان من الباب يدخل المذيع بأناقته المبالغ فيها وهو يحمل على ذراعه بدله فيضربه الشيطان بكتفه متعمدا فتسقط البدلة ويتألم المذيع 00ثم يخرج الشيطان ) المذيع (متألما )آه يا كتفى يانى الفيلسوف يا أهلا 00يا أهلا بالمذيع اللامع الشيك (الفيلسوف يندفع نحو المذيع ويلتقط البدلة من على الأرض ويضحك ) المذيع زى ما يكون حد ضربنى فى كتفى يا فيلسوف الفيلسوف خير 00خير إن شاء الله المذيع كنت فايت من قدام فيلة سعادتك فقلت أمسى وبالمرة أسألك يا ترى فكرتلى يا فيلسوف ؟ الفيلسوف طبعا 00ومفيش غير حل واحد المذيع (فرحا) يعنى فيه حل 00الله أكبر شوف ازاى أنا قليل الزوق سايبك شايل بدلتى وأنا واقف أتفرج (يأخذ البدلة) الفيلسوف بالعكس دا أنا أكون سعيد لو سيبتهالى (يستعيد البدلة ) المذيع (مندهشا ) نعم ؟؟ الفيلسوف قصدى لو سيبتهالى أشيلها عنك أنا كده أحب خدمة الناس وأشيل عنهم لجل يرتاحوا -24- المذيع لا والله أبدا دا انت فيلسوف كبير (يأخذ البدلة )إيه هوا لحل ؟ الفيلسوف (بمكر ) بس باين عليه حل مش نافع لالا مش نافع المذيع يا خسارة كان عندى أمل خد يا فيلسوف طالما بتحب تحمد الناس (يعطيه البدلة) بس يا ريت تفكر من جديد الفيلسوف استنى (يضع البدلة بعيد) تصدق إنها ممكن تنفع شوف يا سيدى الحل الوحيد واللى مفيش غيره هو إن المظلوم ينصر أخاه المظلوم قلى ازاى المذيع ازاى يا فيلسوف ؟؟ الفيلسوف بان المظاليم وهم أكتر من الهم على القلب يكونوا حلف المظاليم خد بالك حلف المظاليم غير دوري المظاليم دول اللى ظلمتهم أمريكا المذيع بس كده المظاليم ها يستفزوا أمريكا ويخلوها تطيح فى العالم (نووى 0 وزرى وغيره ) الفيلسوف بالعكس دى هاتخاف وحتكش لان حلف المظاليم أول قرار هاياخدوه هو الدفاع المشترك ضد أي عدوان وتانى قرار مقاطعة سلع أمريكا المذيع بس ازاى ؟كل مرة بنقول نقاطع والناس ما بتقاطعش الفيلسوف ما أنا عشان كده بقول مقاطعة حقيقية يعنى نمنع الاستيراد من أصله مش نستورد والبضاعة تتكدس فى المحلات وفى الآخر نقول نقاطع وأنت عارف بضاعة أمريكا مش أى بضاعة دى مية ميه وتمن رخيص المذيع طيب 00ده كله بقى يا فيلسوف 00يتم ازاى ؟ الفيلسوف القناة بتاعتكم مسموعة فى الشرق الأوسط بسبب الأفلام والأغانى الهابطة اللى بتقدموها 00ما تزعلش من صراحتى المذيع هون عليك يا فيلسوف إحنا من الأصل متفقين على إننا بنفتح قناة هابطة ما حضرتك عارف إن القنوات دى هى اللى بتجيب الفلوس وبتشهر بالناس وانت لسه قايل من شوية الفيلسوف ده كويس إحنا ها نستغل الشهرة دى وها نقدم للناس دعاية جيدة (حلف المظاليم )خلال كل فقرة وكل أغنية وكل فيلم بتقدمه القناة ما هو لامساس بكل هابط تقدمه القناة عشان يفضل للقناة جمهورها المذيع فهمتك يا فيلسوف انت عايز تقول إننا ها نفضل نزن على الدول المستضعفة والمظلومة ونطالبها بالاتحاد عمال على بطال بس مين اللى هايطالب أكيد مش أى حد الفيلسوف طبعا مش أى حد مش أقل من الكتاب والمفكرين والمعارضين فى الدول المستضعفة المذيع ينصر دينك يا فيلسوف تصدق إن بالشكل ده ممكن أمريكا تصدر عقوبات ضد إسرائيل فى مجلس الأمن الله على دماغك يا فيلسوف الفيلسوف (يعدل ياقته ) أمال انت قلتلى أفكر فكان لازم أفكر المذيع هاننجح يا فيلسوف ؟ الفيلسوف أكيد 00بس نبدأ المذيع من بكرة (يأخذ البدلة ) انت اللى قلت هاننجح فيلسوف اعمل حسابك انت ها تكون ضيفى فى كل الحلقات الفيلسوف (مأخوذا) طيب ليه 000واشمعنا أنا ؟ المذيع انت صاحب الفكرة الجميلة دى يا فيلسوف الفيلسوف (لنفسه) دا ها يودينى فى داهية !! ( تدخل الزوجة وتشاهد المذيع فتسرع نحوه فرحة وتصافحه ) الزوجة مش معقول الأستاذ سناء صفاء هنا بذاته يادى النور المذيع دا نور حضرتك يافندم الزوجة شربات يا أولاد مش تقول يا فلفستى ان حضرته ها يشرفنا كنا فرشنا الرمل أرض وورد الفيلسوف (لنفسه) الرمل أرض جتك مصيبة ( بصوت مرتفع )مراتى هو فى الحقيقة فاجئني بالزيارة ( لنفسه )وبأخدانه البدلة الزوجة ما هو بيته يشرف فى اى وقت اتفضل نشرب الشاي المذيع متشكر يا فندم أصلى مستعجل الزوجة (تتحسس ملابسه ) الله يا اخواتى عليه وعلى كلامه مفيش معاك صورة وتمضيلى عليها يا أستاذ المذيع قوى 00قوى يا فندم 00تحت أمرك (يخرج صورة ويوقع عليها ) الزوجة يا جماله 00عسل 00ممكن نمرة المحمول بالمرة المذيع كمان 00وأدى نمرة المحمول (يكتب نمرة محمولة على الصورة ) الفيلسوف بقول لسعادتك إيه 00ما تاخدها البرنامج مكانى الزوجة طيب ياريت 00دأنا نفسى أطلع على التليفزيون أنا عندى فساتين حلوة الفيلسوف وغلاوتها عندى ما تكسر بخاطرها ( هامسا ) يمكن يخدوها ويخلصوني المذيع إن شاء الله يا فندم 00بس يعنى شوية كده ودى الوقت أنا مستعجل باى باى فيلسوف 000باى باى فيلسوف (ينحنى له ) ستـــار -27-